一個真正保護到 One Plus 5 的保獲殼!

一個真正保護到 One Plus 5 的保獲殼!

石先生每年用 OnePlus 5 最擔心嘅都係保護殼及保護貼


石先生每年用 OnePlus 5 最擔心嘅都係保護殼及保護貼。雖然官方有出唔同材質嘅保護殼,但始終個啲都係得個睇字,保護唔到部機,跌一野已經心痛,所以每次都等 Rhino Shield 保護殼出 OnePlus 5 版本。來到開學日,Rhino Sheild 香港代理終於正式推出 OnePlus 5 版本嘅保護殼,真係可喜可賀。對石先生呢啲成日跌機嘅真係極重要嘅消息,到手梗係即刻裝上去用啦保平安啦!今次石先生買嘅係 OnePlus 5 Rhino Shield 保護殼連正面貼套裝,售價係 HK$368,一套包括左邊黃色嘅保護貼及右邊白色嘅保護殼。

OnePlus-5-Case-Hong-Kong-Rhino-Shield-_02

因為 Rhino Shield 個包裝都係一樣,所以上面呢張貼紙寫住 OnePlus 5 好重要,咁就唔會錯啦!

OnePlus-5-Case-Hong-Kong-Rhino-Shield-_03

防衝擊保護貼方面也都一樣,係寫住 OnePlus 5。

OnePlus-5-Case-Hong-Kong-Rhino-Shield-_04

OnePlus-5-Case-Hong-Kong-Rhino-Shield-_05

用保護殼前,梗係整左保護貼先,包裝後面拉開封條就可以向下拉個保護貼出來。雖然佢有個 QR Code 叫你上網睇教學,但 Rhino Shield 啲貼咁易搞真係唔駛睇。

 

OnePlus-5-Case-Hong-Kong-Rhino-Shield-_06

保護貼包裝入面有四寶,包括保護貼、一塊抹塵布、一塊硬卡及一張 Rhino Shield 小貼紙。

OnePlus-5-Case-Hong-Kong-Rhino-Shield-_07

OnePlus 5 本身都好易貼,只要對準上面兩個開孔,即係前鏡及喇叭位就得。

OnePlus-5-Case-Hong-Kong-Rhino-Shield-_08

至於保護殼一樣簡單,打開包裝左下角個個「OPEN HERE」,直接就係一體化嘅 Rhino Shield 保護殼。就咁外面睇會以為個殼好厚,但原來新包裝加左一層發泡膠保護個殼以免運送期間有咩損傷,真係貼心。

OnePlus-5-Case-Hong-Kong-Rhino-Shield-_09

Rhino Shield 保護殼裝嘅方向有一個特別,就係入嘅時候要正面入,先頭後尾,拿番出來也都一樣係先頭後尾,如果調番轉係入唔到嘅,而包裝上其實有寫。

OnePlus-5-Case-Hong-Kong-Rhino-Shield-_10

貼左保護貼,再加保護殼嘅 OnePlus 5 就係咁啦!今次個殼比上代仲要薄,手感更好。

OnePlus-5-Case-Hong-Kong-Rhino-Shield-_11B

雖然薄左,但 Rhino Shield 都有保持佢最用心嘅設計,就係保護殼嘅頂部有特登高少少突出來,等你可以摸番部機嘅金屬機背外,呢個頂端也可以係你唔小心跌機嘅時候保護番個後鏡頭。
 
OnePlus-5-Case-Hong-Kong-Rhino-Shield-_11C

至於前面也都係一樣,你可以見到佢都有稍稍比屏幕高少少,如果不幸正面跌,除左保護貼外,殼都可以吸收到一定嘅衝擊力。

OnePlus-5-Case-Hong-Kong-Rhino-Shield-_12
作為 OnePlus 5 嘅用家,最重要嘅係三段式模式開關,而 Rhino Shield 也都有特別做番出來,有番個制係到,可以直接啪啪啪,而且個制係做左係個殼入面,唔駛裝,唔怕跌,正過就咁開孔好多。

OnePlus-5-Case-Hong-Kong-Rhino-Shield-_13 (1)
如果你都有用 OnePlus 5,想要個真係有保護能力嘅保護殼要揀呢個 Rhino Shield 啦,始終佢地啲殼可以做到 5 米防跌,真係好堅。搵左一搵,除左街舖有售外,呢個網都有得賣:https://anlander.com/








Categories: 手機配件






   編者   

Stone IP

Stone IP 石先生 Founder of HisTrend.HK, Famous Blogger 網上商店創辦人,知名科技博客 Stone IP 是網上商店 HisTrend.HK 的創辦人,知名科技博客及旅遊博客。HisTrend.HK 是一家香港的網上商店,銷售消費類科技產品,並同時引入多款具特色的科技產品。個人博客瀏覽量達到 1,100 萬,以科技與旅遊為主。 在創辦網上商店前,Stone IP 為美國科技網站 Engadget 中文版之高級編輯,曾採訪全球多個主要科技展覽包括 CES、MWC、Computex、IFA、TGS 及香港春/秋季電子展。 開始做第一份工作的時候,剛好遇上 iPhone 推出,看著城市人如何從以前見面聊天成為今天「機不離手」的低頭族。科技帶來的變化往往超越了我們的想像,今天旅行不再是孤身一人,而是與相隔千里的朋友一齊觀光,分享美好時光。有人說科技與旅遊無法連在一起,但事實卻告訴我們兩者已是密不可分,你會在旅行中用到科技產品,也會利用科技觀看旅行的一切,兩者剛好是一個很好的結合。