2026 美加墨世界盃終極對決剛剛落幕，西班牙隊憑藉費蘭·托雷斯喺加時階段射入關鍵制勝球，以 1 比 0 擊敗衛冕冠軍阿根廷，成功捧走大力神盃。喺賽後歡呼慶祝嘅環節當中，有眼尖嘅球迷就注意到，西班牙球員拎住一部設計相當特別嘅中國品牌手機嚟自拍同紀錄捧盃時刻，而呢部喺球場上成功搶鏡嘅產品，正正就係 HONOR 預計喺今年 8 月正式發佈嘅全新 HONOR Robot Phone。

作為全球首款主打機器人概念嘅智能手機，HONOR Robot Phone 改寫咗傳統直板手機固定鏡頭嘅產品思維，首度將微型機械雲台同端側原生智能體結合。機身頂部特別嵌入咗一組四自由度鈦合金機械雲台模組，平時唔用嘅時候，鏡頭結構會完全隱藏喺機身裡面，手感同一般旗艦手機無異。當用家觸發拍攝指令之後，鏡頭就會喺 0.8 秒內迅速彈出，並提供 360 度全域旋轉、多角度智能運鏡同埋人像自動跟拍等功能。

對於鐘意拍片嘅用家嚟講，呢部機嘅機械物理防抖達到 CIPA 5.5 級水平，就算唔額外加裝手持穩定器，都可以輕鬆拍出非常平穩流暢嘅 Vlog 影片。喺 AI 技術方面，HONOR Robot Phone 內置咗端側 YOYO 大模型，具備情感感知、主動關懷同埋內容推薦等能力，同時亦可以調配全場景生態設備，實現 AI、機械結構與影像硬件之間嘅全面協同，帶來全新嘅智能手機使用體驗。

• 【HUAWEI 實用教室】Pura90s Pro Max 內建 eSIM 功能、外遊掃碼上網免換卡！
• HONOR Magic 9 Pro Max 曝光：ARRI 電影級相機設計加持、首發頂級錄音麥克風！
• iPhone Duo 7.6 吋霧化屏取巧掩飾折痕、鉸鏈硬技術不及 Galaxy Z Fold8！
• 【水貨行情】HUAWEI Pura X View 闊直板水貨抵港：首載 6.39 吋 16:9.5 闊屏、內建 7000mAh 超大電池！
• 香港 9/12 今晚 8 點開訂 iPhone 18 Pro / Pro Max！同場有新 Apple Watch / AirPods 5、但 Duo 就仲要等